|
Sorumutu Komisaun Akompañamentu ba Ekzekusaun Fundu
Konsolidadu Timor-Leste (CFET) no Fundu Fiduciáriu Timor-Leste
(TFET), loron 20 fulan Janeiru 2005
Hala'o dala ida tan sorumutu Komisaun Akompañamentu ba
Ekzekusaun Orsamental nebé Primeiro-Ministro, Dr. Mari
Alkatiri no Ministra Planu no Finansas, Dr. Madalena Boavida maka
prejidi. Sorumutu ida ne'e nia objektivu atu buka hatene balansu
ekzekusaun orsamentu iha área edukasaun no obras públikas
nian. Iha área edukasaun, Ministro Edukasaun, Kultura,
Juventude no Desportu, Dr. Armindo Maia, directores no téknikus
sira hosi ministériu halo aprezentasaun kona ba aktividadi
ekzekusaun orsamental iha tinan hirak liu ba hanesan reparasaun,
manutensaun, reabilitasaun no konstrusaun eskola sira. Ministro
Transporte, Komonikasaun no Obras Públikas, Eng. Ovídio
Amaral, Sekretáriu Estadu Obras Públikas, Eng. João
Alves iha oportunidadi nebé fo ba sira, aprezenta kona
ba aktividadi nebé hala'o tiha ona hanesan mós projektu
hirak nebé atu hadia no habúras infraestrutura sira
iha rai ida ne'e, liu-liu iha estrada no ponte sira. Komisaun
ne'e sei hala'o sorumutu dala rua fulan ida.
|
