Nota biográfiku kona-ba:

Dr. Jose Ramos-Horta
Primeru-Minitru no
Premiadu Nobel da Paz

Dr. Ramos-Horta hanesan ema ida ne’ebe ninia provizaun nudar jornalista, iha sentimentu ne’ebe maka’as hodi promove dame no halakon ki’ak, no nia mos nudar diplomata ida ne’ebe konhesidu iha mundu internasional, agora dadaun nia kaer kargu nudar Primeiru Ministru no Ministru Defeza.

Nia hela iha Dili, fatin ne’ebe nia moris ba, no mos sidade ida ne’ebe nudar sidade kapital Timor-Leste nian. Nia iha oan mane ida ho naran Loro.

Dr. Ramos-Horta mos lakon ninia maun alin nain 4 iha violensia ne’ebe akontese iha Timor-Leste durante tempu okupasaun militár Indonesia nian.

Sr. Primeru-Ministru ninia estudu iha area paz no legalidade nian no simu titlu doutor honoráriu husi institutsaun akadémia barak, no mos simu prestijiu oin-oin, Dr. Ramos-Horta bele ko’alia ho lian Tetum, Portugues, Franca, Espanha, no Inglés ho di’ak.

Iha tinan 1996, hamutuk ho ninia kolega, Amo Bispo Belo, nia simu Premiu Nobel da Paz. Premiu ida ne’e nia simu depois de tinan 21 nia laran moris iha eziliu no promove ho dame kona-ba ninia nasaun nia Indenpendensia.

Nia nudar kolega ne’ebe di’ak husi lider barak iha mundu, Jose konhesidu iha Nasoes Unidos no mos konhesidu iha area politiku no diplomasia internasional nian. Nia hare ona ho matan no involve ona iha eventu importante barak, no vizita ona ba nasaun liu husi 100.

Depois de referendum iha 1999 ne’ebe sidadaun Timor-Leste hili ba sira nia indenpendensia, nia fila hikas ba nia rain.

Ramos-Horta sérvi ho distinsaun ne’ebe bo’ot no mos ho prestijiu internasional nian iha Permeiru Governu Konstitusional Timor-Leste nian (2002 – 2006), nudar Ministru Negosiu Estranjeiru no Kooperasaun no nudar Ministru Seniór.

Nia hetan promosaun nudar kandidatu ba postu ne’ebe as hodi sai hanesan Sekretáriu Jerál ONU nian, maibe eventu foin lalais ne’e iha Timor-Leste halo nia hili postu nudar Primeiru Ministru no Ministru Defeza.