|
Primeiru-Ministru kondena atentadu nebé mosu iha Londres,
8 fulan Jullu tinan 2005
Primeiru-Ministru Timor-Leste, Mari Alkatiri, fó reasaun
ohin, ho laran triste ba notísia konabá atentadu
ha'at bomba nian iha Londres, nebé, tuir dadus ikus nian
hateten katak, oho ona ema nain 37 no halo kanek liu ema nain
700; Primeiru-Ministru hato'o nia solidariedade ba família
vítima sira nian no kondena maka'as hahalaok nebé
deit hosi terorismu.
"Horiseik hetan loron ida tan maka a'at tebes iha istória
umanidade nian. Ema vítima 37 nebé sala laiha hosi
intolerância, extremismu no terrorismu maka mate ona. Hau
hakarak, hodi Povu Timor-Leste tomak nia naran, hateten katak,
la simu no kondena maka'as hahalok a'at ne'e hodi hato'o mós
solidariedade ba família vítima sira nian. Nu'udar
sidadaun no nasaun ida ami kondena hahalok a'at hirak ne'e. Timor-Leste
hamutuk hamutuk ho Mundu tomak iha lian ida dei't kontra terorismu",
tenik primeiru-ministru.
Tuir xefe Ezekutivu katak, atentadu nebé maka mosu iha
Londres nia objetivu maka hanesan fó kastigu ida ba Reinu
Unidu tanba nia tropa sira mós hola parte iha funu Irake:
"Atentadu hirak ne'e Estes atentados haré liu ba sistema
demokrátiku rasik no Estadu Direitu iha Mundu. Ida ne'e
hanesan atake ida hasoru valor sivilizasaun mai hosi Komunidade
Internasional sira."
Mari Alkatiri fó nia hanoin konabá dalan nebé
maka nasaun sivivilizada sira teinke tuir hodi luta hasoru hahalok
terorismu nian: "Atu hatan ba terorismu teinke fiar metin
no hamutuk. Komunidade internasional teinke hakás-an nafatin
hodi funu hasoru terorismu. Funu hasoru terorismu katak, funu
hodi defende umanidade nebé fó folin liu ba dame
no liberdade hodi kontra "lei da selva" (lei ida nebé
mai hosi ema maka'as sira hodi hasoru ema kbit laek sira), violénsia
no destruisaun. Hodi la haluha knar ukun Nasoens Unidas nian,
nune'e nasaun sira teinke fó liman ba malu hodi servisu
hamutuk atu nune'e bele defende diak liu tan demokrasia, liberdade,
seguransa no direitu sidadaun sira nian."
|
