|
Primeiru-ministru simu prezidente Banku Mundial nian, 7
fulan Abril tinan 2006
Primeiru-ministru, Mari Alkatiri, simu Prizidente Banku Mundial
nian, señor Paul Wofowitz iha segunda feira, loron 10,
fulan Abril iha Palásiu Guvernu iha Díli ne'ebé
halo vizita mai Timor-Leste tuir konvite hosi Xefe Ezekutivu.
Enkontru ho Wolfowitz, ne'ebé uluk hanesan subsekretáriu
Estadu ba Defeza Estadus Unidus Amérika no embaixadór
iha Jakarta, sei koalia kona-ba oinsá Banku Mundial bele
fo nafatin ninia asisténsia mai Timor-Leste. Reuniaun ida
ne'e marka tiha ona ba segunda feira, loron 10, fulan Abril iha
tuku tolu lorokraik.
Iha tuku 16h15 (tuku haat, minutu 15 lorokraik), xefe Ezekutivu
no Prezidente Banku Mundial nian sei fó konferénsia
imprensa hamutuk.
Iha domingu, loron 9, fulan Abril, primeiru-ministru sei fó
resepsau ida ba vizita prezidente Banku Mundial nian iha Hotel
Timor. Oportunidade ida ne'é mós, Mari Alkatiri
ho Paul Wolfowotiz sei hato lia fuan badak.
Nu'udar embaixadór norte-amerikanu (1986-1989), Paul Wolfowitz
mai tiha ona iha Timor-Leste.
Paul Wolfowitz halo vizita mai Timor-Leste tanba hetan konvite
hosi xefe Governu iha fulan Setembru tinan kotuk, iha Washington,
bainhira xefe Governu halo vizita ba iha Estadus Unidus hodi hola
parte iha reuniaun anuál Banku Mundial no Fundu Monetáriu
Internasional nian.
|
