|
Primeiru-ministru vizita Noruega, 6 fulan Setembru tinan
2006
Primeiru-ministru, José Ramos-Horta, iha kuarta-feira
ne'e, hahú, loron 6 fulan Setembru, halo vizita loron tolu
ba Noruega. Iha programa dezlokasaun ne'e hodi halo sorumutuk
serbisu ho nia omólogu no ministru Negósius Estranjeirus
Noruega nian.
Hahú kedas, iha programa vizita ofisiál ne'e, xefe
governu sei hasoru malu ho primeiru-ministru noruegés,
Jens Stoltenberg, no ha'an almosu ho ministru Negósius
Estranjeirus, Jonas Gahr Store. Iha loro-kraik sei hasoru malu
ho ministru Dezenvolvimentu Internasionál, Erik Solheim.
Iha loron ne'e, vizita primeiru-ministru nian ne'e inklui mós
hasoru malu ho prezidénsia Parlamentu noruegés no
iha sorumutuk ida ho Komité Negósius Estranjeirus.
Vizita ba Noruega, José Ramos-Horta akompaña hosi
ministru Traballu Reinsersaun Komunitária, Arsénio
Bano, no diplomata Ministériu Negósius Estranjeirus
no Kooperasaun Lícinio Branco.
Sorumutuk hirak ne'e, primeiru-ministru sei hamutuk ho autoridade
noruegeza sira buka, país ne'bé mantén tiha
ona sira nia ajuda sistemátika ba Timor-Leste, " hodi
husu tan apoiu ba programa diálogu nasionál no reforsa
asisténsia iha nível kestaun umanitáriu no
dezenvolvimentu nian".
Vizita iha loron sira seluk, José Ramos-Horta sei partisipa
iha asaun oioin ho nia kualidade nu'udar Prémiu Nobel Paz
nian. Iha asaun hirak ne'e mak hala'o partisipasaun iha Fórum
Norte-Sul FK Norway ("Fredskorpset" - organizasaun noruegeza
apoiu dezenvolvimentu nian) no sorumutuk internasionál
ho konselleirus sira hosi organizasaun ne'e no iha sorumutuk ne'e
mak primeiru-ministru sei hetan konvite atu hola parte.
Fórum ne'e sei hala'o iha kinta-feita ne'ebé destina
atu haksesuk kestaun konstrusaun paz no jestaun konflitu nian,
Ramos-Horta sei halo intervensaun kona-bá nia luta "
iha konstrusaun ba Timor-Leste independente no pasífiku".
Iha sexta-feira, aleinde vizita ba "Nobel Peace Centre",
no ba Sentru Paz no Direitus Umanus Oslo nian, primeiru-ministru
José Ramos Horta sei halo intervensaun ida kona-bá
"Hanesan Laureadu ida ho Prémiu Nobel"iha Institutu
Nobel Paz nian, hamutuk ho laureadus nain rua, Rigoberta Menchu
no Wangari Maathai.
Primeiru-ministru no delegasaun sai hosi Díli iha segunda-feira,
loron 4 fulan Setembru, no nia fila hikas mai Timor-Leste iha
segunda-feira oin mai, loron 11 fulan Setembru.
|
