|
Governo fo ordem ba militar sira fila hikas ba quartel, 4
fulan Maiu tinan 2006
Governo foo sai ohin ordem ba militar FALINTIL-Forças
de Defesa de Timor-Leste (F-FDTL) atu filas hikas ba quartel atu
nunee bele hahu fase ba dala tolu operasaun policia ho militar,
estabilizasaun nian, kona ba acontecimento sira loron 28 fulan
Abril. Ordem ne'e foo sai husi Presidente da República,
Xanana Gusmão, hafoin Governu kolia tiha kona ba situasian
rai laran.
Iha soromotuk nebe acontece iha Palácio das Cinzas, nebe
iha participasaun hosi Chefe de Estado, primeiro-ministro, Mari
Alkatiri, ministro Interior, Rogério Lobato, ho ministro
Defesa, Roque Rodrigues, órgão soberania nain rua
nee foo sai, iha conferensia imprensa, katak militar ho polisia
nebe kaer kilat automotatic, atu controla hela cidade Díli,
husi sexta-feira to ohin loron, atu fila ikas ba quartel.
Governo informa katak situasaun rai laran controlado ona nee
duni la justifika ona presença militar ho forsas especial
PNTL nian iha cidade laran, tamba sa wainhira popualsaun hare
forças sira nee lau ba mai ema tauk liu tan.
Presidente da República no primeiro-ministro apela dala
ida tan ba ema hotu atu iha calma ho fila hikas ba ida idak nia
uma. Chefe de Estado hatutan katak oras nee "problema boot
ida atu kontrola issu-issu sira nebe mosu".
PNTL halo ona coordenasaun ho autoridade local atu garante segurança
ba uma sira nebe ema nain sira halai tiha ona ba distritu.
Militar ho policia sira tenke fila ba quartel too tuku hat loraik
loron ohin nian.
|
