|
Primeiru-ministru halo reuniaun hamutuk ho administradór
distritu no subdistritu, 30 fulan Agostu tinan 2006
Primeiru-ministru, José Ramos Horta, hola parte iha kinta-feira
ida ne'e, iha enkontru konsultivu ida ho administradór
distritu no subdistritu sira, iha Maubara, distritu likisá.
Enkontru ne'ebé hala'o ho administradór distritu
no subdistritu sira, organiza hosi Ministériu Administrasaun
Estatál no sei hala'o to'o loron rua nia laran. Primeiru-ministru
sei halo intervensaun iha tuku 11 otl ho tema " Dezafiu ba
Nasaun- Papél Administradór Distritu sira nian ba
Promosaun Unidade Nasionál, Paz no Dezenvolvimentu.
Ba xefe ezekutivu, ne'ebé mak promove atu hala'o enkontru
ida ne'e, " reuniaun ne'e hodi mobiliza no fó korajen
ba administradór lokál sira nomos hodi esplika Orsamentu
ba tinan fiskál 2006/2007 nian". Hosi parte seluk,
primeiru-ministru hakarak atu mós dala lia liu tan tema
kona-ba labele partidariza servisu administradór sira nian,
hodi halo ema hotu bele fó fiar ba Estadu."
Enkontru ne'e sei loke hosi ministra Administrasaun Estatál,
Ana Pessoa, 8h30. Ministra kolia konaba deslocados sira.
Aleinde intervensaun hosi primeiru-ministru, partisipante sira
sei diskuti tema sira seluk, hanesan kona-ba ezekusaun Orsamentu
Estadu nian; polítika desentralizasaun; rejime kareira;
aktualizasaun dadus aldeia nian, preparasaun ba eleisaun no fó
sai kartaun foun eleitor nian; no formasaun ba eleisaun.
Enkontru ida ne'e hodi hatutan tan deit hirak ne'ebé mak
Ministériu Administrasaun Estatál hala'o bebeik
tiha ona iha distritu hotu-hotu, atu hodi halo konsulta ba administradór
distritu sira. Ida ne'e hanesan enkontru ba dala uluk ne'ebé
mak primeiru-ministru hala'o hamutuk ho administradór distritu
no subdistritu sira hosi Timor laran tomak.
|
