|
Primeiro-ministro komesa programa intervista iha Radio no
Televisaun Timor Leste, 29 fulan Agosto tinan 2005
Primerio Ministro Timor Leste, Mari Alkatiri, komesa segunda
feira loron 29 de Agosto sei halo programa entervista iha radio
ho televisaun Timor Leste.
Programa nebe ho naran "Visaun Governo" nebe sei halao
iha fulan ida dala ida, iha Radio ho Televisaun Timor Leste, nebe
sei halao nafatin iha ultima semana kada fulan, Iha tuku walu
(08.00) kalan iha Televisaun Timor Leste no sei repete fali iha
radio iha terca feira iha oras tuku hitu (07.00) no televisaun
iha sabado tuku sia (09.00) kalan.
Participasaun Primerio Ministro iha programa ida nee fulan ida
dala ida, no sei entervista hosi jornalista nain rua, ida hosi
Radio no ida hosi Televisaun, objetivo hosi programa intervista
ne'e atu esplika politika governo nian no medidas prinsipais,
ba cidadao hotu iha rai ida ne'e.
Programa ba dala uluk sei halo gravasaun deit iha Sabado dader
27 de Agusto iha estudio Radio no Televisaun Timor Leste, asuntos
nebe sei sai hanesan temas maka Restuturasaun do Governu, balanco
ba "Governasaun Aberta" iha distrito Dili, no mos eleições
xefi sukus e conselho de sukus iha Dili ho Liquiça, no
koalia mos kona ba Encontro boot entre lider nasaun hotu-hotu
nebe organisa hosi Nações Unidas kona ba objectivo
Desenvolvimento do Milenio, komesa ho kampanha no apresentasaun
da licitasaun ba blocos explorasaun mina rai iha tasi Timor.
|
