|
Primeiru-Ministru iha komemorasaun loron 28 fulan Novembru,
25 fulan Novembru tinan 2005
Primeiru-Ministru, Mari Alkatiri, sei partisipa ativamente iha
atividades importantes ne'ebé halo parte iha komemorasoens
ofisiais ba selebrasaun aniversáriu Proklamasaun Independénsia
ba dala 30 (tolunulu).
Iha Sábadu, loron 26 (ruanulu resin nen), oras tuku 10h
(sanulu), Primeiru-Ministru sei inaugura espozisaun etnografia
(estuda kona-ba povu sira nia moris, rasa, lian,etc.) ne'ebé
sei fó sai ba públiku iha Arte Moris, iha Díli;
Iha oras tuku 16h (sanulu resin nen), sei partisipa iha serimónia
aprezentasaun ofisial ba Feira Livru CPLP nian, iha Memorial Hall,
ne'ebé sei loke ba públiku iha Domingu no sei prolonga
tan to'o loron 4 (hat) fulan Dezembru;
Iha oras tuku 18h (sanulu resin ualu) liu minitu 30 (tolunulu),
sei partisipa iha serimónia ida iha Ministériu Edukasaun
no Kultura, sei halo lansamentu ba livru ne'ebé Primeiru-Ministru
mak hakerek rasik "Timor-Leste: O Caminho do Desenvolvimentu,
katak "Timor-Leste: Dalan ba Dezenvolvimentu", editadu
husi Lidel-Edisoens Téknikas;
Iha oras tuku 20h (ruanulu) no minutu 30m (tolunulu), sei ba
partisipa iha "Welcome Party", no sei partisipa mos
nu'udar konvidadus investidores husi estranjeirus sira, ne'ebé
maka mai asisti konferénsia investimentu no múzikus
sira ne'ebé integra iha kartaz Festival CPLP nian. Festa
sei hala'o iha Hotel Timor Lodge;
Iha Domingu, loron 27 (ruanulu resin hitu), hahú husi
oras tuku 16 (sanulu resin nen), Primeiru-Ministru sei asisti
Festival Múzika CPLP nian, iha Estádiu Munisipal
Díli;
Iha Segunda, loron 28 (ruanulu resin ualu), hahú husi
oras tuku 8 (ualu) liu minutu 30 (tolunulu), sei partisipa iha
serimónias ofisiais komemorasaun loron 28 fulan Novembru,
ne'ebé sei hala'o iha Palásiu Governu;
Iha oras tuku 10h (sanulu) liu minutu 30 (tolunulu), sei inaugura
konferénsia internasional kona-ba investimentu esternu,
"Timor-Leste: Nakloke ba Investimentu" iha Hotel Timor;
Iha oras tuku 15h (sanulu resin lima), sei partisipa iha serimónia
entrega relatóriu Komisaun Akollimentu, Verdade no Rekonsiliasaun,
husi Prezidenti Repúblika, ne'ebé sei hola fatin
iha Parlamentu Nasional;
Iha oras tuku 19h (sanulu resin sia), iha rezidénsia ofisial
Prezidenti Repúblika nian, iha Lahane, Primeiru-Ministru
sei hola jantar ne'ebé oferese husi Xefe Estadu.
|
