|
Primeiru-ministru organiza visita ida ba fatin esplorasaun
gás natural Bayu-Undan nian, 21 fulan Jullu tinan 2005
Membru Parlamentu Nasional sira hosi Komisaun C ( nebé
trata konabá Ekonomia no Finansas) hamutuk ho asesor internasional
balu sei hala'o vizita ida iha Domingu, loron 24, fulan ida ne'e,
ba iha fatin nebé maka halo esplorasaun gás natural
iha Bayu-Undan, besik kilómetru 250 hosi tasi mane Timor-Leste
nian.
Vizita ida ne'e hetan garantia hosi gabinete Primeiru-Ministru
Timor-Leste servisu hamutuk ho Autoridade Designada ba Tasi Timor.
Komisaun Parlamentar ba Economia no Finansas hola parte iha vizita
ida ne'e, hodi haré liu ba kestaun hirak nebé maka
iha relasaun ho Tasi Timor Fundu Petrolíferu nian liu-liu
konabá rejime jurídiku foun nebé bele aplika
ba Minarai. Atividade tomak Tasi Timor nian nebé hetan
orientasaun hosi Primeiru-Ministru bazeia ba prinsípiu
ida nebé transparente.
Reprezentante sira hosi Parlamentu Nasional sei hala'o vizita
ba plataforma nebé maka ConocoPhilips (hamutuk empreza
lima minarai nian maka hola parte iha asosiasaun ne'e hanesan:
Eni, Emet, Inpex, Petroz no Santos) nebé halo tiha ona
esplorasaun hahú kedas iha fulan Fevereiru, tinan 2004.
Tuir haré tiha ona katak, Bayu-Undan bele iha rezerva
gás kondensadu no gás liquefeito hosi minarai to'o
bidon millaun 400 no triliaun 3,4 pés kúbiku gás
nian, nebé nia valor bele to' o osan dólar amerikanu
hamutuk 6 to' o 7.
ConocoPhilips maka sei haka'as-an atu fó helikópteru
rua ba delegasaun Parlamentu Nasional hodi organiza vizita ida
ne'e.
Reprezentante balu hosi órgaun komunikasaun sosial mós
sei hola parte iha vizita ba dala uluk ne' e - ida ne'e, hanesan
foin maka dala ida, reprezentante sira hosi Parlamentu Nasional
Timor-Leste sei ba haré plataforma iha fatin Bayu-Undan
nian.
|
