|
Primeiru Ministru hala'o Sorumutuk ba dala uluk ho Administrador
Distritu no Sub-distritu sira, 1 fulan Setembru tinan 2006
Primeiru Ministru ho Prezidente hala'o Sorumutuk ba dala uluk
ho Administrador Distritu ho Sub-distritu sira iha Maubara, Distritu
Liquiça.
Sorumutuk ne'e Ministru Administrasaun Estatal mak organiza hodi
haksesuk konaba papel administrador nian iha harí dame,
unidade no dezenvolvimentu País ne'e nian, nune'e mos atu
fo apoiu no mobiliza administrador sira no haksesuk mos konaba
orsamentu tinan fiscal 2006/07 nian.
Sorumutuk ne'e Ministru Administrasaun Estatal, Ana Pessoa, mak
halo abertura, hodi aprezenta Primeiru Ministru ho Prezidente.
Diskursu Primeiru Ministru nian fo sai liu konaba presiza tebe-tebes
atu iha governu nia laran ema bele servisu hamutuk no bele hatudu
interese maka'as hodi apoia administrador Distritu no Sub-distritu
sira. Administrador Distritu no Sub-distritu sira hato'o sira
nia pergunta no sira nia preokupasaun ba iha komitiva.
Primeiru Ministru koalia konaba kestaun lei no ordem nian, no
hato'o importansia iha hala'o dialogu no tesi lia lós,
ne'ebé Prezidente mos konkorda. Primeiru Ministru no Prezidente
mos husu atu funsionariu sira bele kaer politika netralidade nian
ida, hodi rekomenda ba funsionariu publiku sira hotu atu serbí
País ida ne'e liu fali buat sira seluk.
Primeiru Ministru fo aten-brani ba iha dirijente local sira atu
hal'ao aproximasaun pro-aktiva ida ba seguransa local, no atu
mobiliza sira nia komunidade hodi garante seguransa ho estabilidade
ba sidadaun sira hotu. Nia fo hanoin katak karik dirijente local
sira la hatudu sira nia lideransa, mak governu sentral no forsa
seguransa nian sira sei la iha kbiit atu buka solusaun ba problema
seguransa nasional.
Aban sei kontinua ho sorumutuk ho Administrador Distritu no Sub-distritu
nian sira hodi kontinua haksesuk konaba sentralizasaun no orsamentu.
|
