|
Rezultadu final kona-ba sensu populasaun no habitasaun tinan
2004, 19 fulan Dezembru tinan 2005
Direksaun Nasional Estatistika nian sei fo-sai iha loron 21 fulan
Dezembro, tuku 10h00, rezultadu final kona-ba sensu populasaun
no habitasaun nian ne'ebé maka hala'o tiha ona iha tinan
2004 iha Timor-Leste nia laran tomak.
Indikador hirak prinsipal ne'ebé maka sei fo-sai iha serimónia
lansamentu kona-ba konkluzaun final Sensu 2004, ne'ebé
maka atu hala'o iha Direksaun Nasional Estatistika, sei koalia
kona-ba dimensaun, kresimentu no estrutura populasaun nian; aktividade
ekonómika; uma-kain; karakterístika edukasaun nian;
mortalidade; no fertilidade.
Dadus kona-ba populasaun timor nian ne'e sei fo-sai iha Direksaun
Nasional Estatístika, iha Internet (http://dne.mopf.gov.tp)
no sei hala'o lansamentu ba livru no poster ida hamutuk ho kompilasaun
indikador hirak estatistika nian ne'ebé iha relevánsia
tebe-tebes.
Rezultadu provizoriu kona-ba Sensu 2004 nian fo-sai tiha ona
iha fulan Outubru tinan 2004.
|
