|
Primeiru-Ministru hola parte iha konferênsia internasional
Kona ba Timor-Leste iha Melbourne, 15 fulan Junhu tinan 2005
Primeiru-Ministru Timor-Leste, Mari Alkatiri iha kinta-feira
semana ne'e, loron 16 fulan Juñu sei hola parte iha konferénsia
internasional ida kona ba " Kooperasaun ho Timor-Leste -
Hanoin oinsá hala'o Desenvolvimentu Diak ", iha Universidade
Victoria, Melbourne,Australia.
Iha neba mós Primeiru-Ministru hato'o palestra ida ho
nia Títulu " Ekonomia Timor oan nian : Ita atu ba
nebé ?", xefe governu mós sei iha sorumutuk
ho xefe Exekutivu Estadu Victoria, Steve Bracks, no mos deputadus
Parlamentu Estadu Victoria nian. Mari Alkatiri sei iha tan sorumutuk
ida ho Ministru Estadu Victoria nian ba Industria Enerjétika
no Rekursus, Theo Theophanous.
Hola parte iha konferénsia ne'e ba Primeiru-Ministru,
importante tebes, tanba Timor-Leste iha ona apoiu boot hosi klase
akadémika australiana". No hateten tan katak: "
Diak liu rona rasik kona ba buat hirak nebé maka halo tiha
ona iha rai ida ne'e".
Hosi parte seluk, xefe Exekutivu hakarak katak, visita nebé
hala'o ba kapital Estadu Victoria bele " loke odamatan foun
ba formasaun timor oan sira nian iha Austrália".
Xefe Governu, Marí Alkatiri iha nia palestra maka sei
loke ofisialmente konferénsia internasional nebé
sei hala'o iha loron rua nia laran.
Primeiru-Ministru sai hosi Timor-Leste iha quinta-feira, loron
15 fulan Juñu, ba Austrália no sei fila hikas mai
iha domingu loron 19 fulan Juñu tinan 2005.
|
