|
Primeiro Ministro hato'o nia laran susar tebes tanba Álvaro
Cunhal mate, 15 fulan Junhu tinan 2005
Primeiru-Ministru Timor-Leste nian, Mari Alkatiri, ohin hakerek
tiha ona karta ida ba sekretariu-jeral Partidu Komunista Portugal
nian (PCP) hodi hato'o nia kondolénsia tanba Álvaro
Cunhal nu' udar dirijente historiku partidu nian mate tiha ona.
Iha surat nebé haruka ba Jerónimo de Sousa, dirijente
PCP nian, Alkatiri hateten katak " nia laran susar tebes"
wainhira nia rona Cunhal mate ona. Ba Primeiru-Ministru, ema ida
nebé la iha ona ita nia le'et hahú kedas iha loron
13, fulan Juñu "hanesan ema ida nebé iha Historia
Portugal nian foin dadauk ne'e labele kompara fali ho figura sira
seluk". Xefe Ezekutivu ne'e hateten tan katak: Matebian nia
knar iha luta hasoru rejime Estadu Foun nian, hatudu katak determinante
no fo inspirasaun ba jerasaun klosan sira nebé maka liu
hosi ninia hahalok, sira aprende luta hodi bele hetan ideal ida.
Papel importante nebé maka PCP hala'o iha demokrasia Portugal,
mai hosi servisu Álvaro Cunhal nian nebé, uluk,
iha klandestina nia laran nia bele harí ona estrutura partidu
politiku ida, fo hanoin oioin ba partidu ne'e, no fo nia-an tomak
hodi luta ba objektivu ida."
Tuir Primeiru-Ministru, "Álvaro Cunhal hatudu duni
koerensia ida katak, mantein nafatin ho nia liafuan sira nebé
ema politiku balu de'it maka iha oras atu aserta konta, sira bele
hato'o ho orgullu. Koerensia ida nebé hatudu iha luta hodi
defende direitu sidadaun sira nian. Hau mos sei la haluha kona
ba nia konviksaun nebé hatudu tiha ona wainhira nia hala'o
nia knar hodi hasoru polítika hotu-hotu. Hosi aspektu ida
ne'e, hanesan ezemplu ida".
Alkatiri mos hanoin hikas fali kona ba apoiu nebé Álvaro
Cunhal fo ba luta timor-oan sira nian: "Hau hasoru ho Álvaro
Cunhal iha okaziaun balu, iha tinan 1975 to'o 1991. Nia liafuan
hatudu simpatia ba iha luta timor-oan sira nian. Nia hateten momós
PCP nia pozisaun kona ba razaun Fretilin nian.'
Xefe Ezekutivu hanoin hikas fali kona ba uluk nia sai hanesan
mata-dalan PCP nian nebé sai mós hanesan ema artista
ida: "Ninia sensibilidade maka'as tebes, wainhira nia pinta
no hakerek, hodi hatudu katak nia ema ida duni. Maibé iha
ne'e mos, Cunhal la haluha atu luta ba ema hirak nebé kbit
laek, hodi koalia kona ba situasaun hirak hanesan injustisa, opresaun,
hodi buka tulun liu hosi nia imajen sira kona ba atu hadi'a kondisaun
moris ema kiak no mukit sira nian.
Mari Alkatiri hakotu ninia liafuan hodi hato'o nia "kondolénsia"ba
Jeronimo de Sousa, ba PCP, no mós ba familia tomak Cunhal
nian.
|
