|
Primeiru-ministru halo lansamentu livru iha Portugal, 15
fulan Fevereiru tinan 2006
Primeiru-ministru, Mari Alkatiri, halo lansamentu iha kinta-feira,
loron 16, iha Lisboa, livru segunda edisaun kona-ba obra "Timor-Leste:
Dalan Dezenvolvimentu nian", ne'ebé tau hamutuk diskursu
sira ne'ebé hato'o hosi xefe Ezekutivu hahú hosi
tinan 2001 to'o 2005. Seremónia lansamentu ba livru ne'e
marka tiha ona ba tuku 18h00 iha Salão Nobre hosi Reitoria
Universidade Lisboa nian. Apresentasaun kona-ba obra ne'e sei
halo hosi ministru Negósius Estranjeirus Portugal, Diogo
Freitas do Amaral.
Afoin halo tiha apresentasaun kona-ba obra ne'ebé fó
sai hosi editora portuguesa Lidel iha Díli, iha loron 26
fulan Novembru, tinan 2005, sei lori mós obra segunda edisaun
hodi halo lansamentu iha Portugal. Koalia kona-ba segunda edisaun
ne'e, ida ne'ebé halo tiha ona revizaun no aktualizasaun
ho diskursu primeiru-ministru nian iha serimónia lansamentu
livru iha Timor-Leste no ho mensajen ba Nasaun kona-ba balansu
no perspetiva sira iha tinan 2005/2006 nia laran, ne'ebé
hala'o iha tinan kotuk. Iha obra ne'e hatama mos apresentasaun
ne'ebé hato'o hosi Presidente da República, Kay
Rala Xanana Gusmão, iha serimónia kona-ba lansamento
livru, iha fulan Novembru liu ba.
"Timor-Leste: Dalan Dezenvolvimentu nian - Tinan hirak ne'ebé
hahú Governasaun" hanesan obra ba dala uluk Mari Alkatiri
nian, ne'ebé iha Governu Timor-Leste nia oin hahú
kedas iha fulan Setembru tinan 2001, uluk nia sei hanesan ministru-xefe
no hahú iha fulan Maiu, tinan 2002 sai hanesan primeiru-ministru.
Xefe Governu Timor-Leste sei fila hikas mai Timor-Leste iha tuku
8h15, loron 19, fulan Fevereiru, iha Aeroportu Internasional Nicolau
Lobato, iha Díli, ho aviaun hosi Darwin.
Primeiru-ministru ba Portugal hahú kedas iha loron 2 fulan
ida ne'e.
|
