|
Primeiru-Ministru hatur fatuk ba dala uluk iha atu hadia fali
Hospital Guido Valadáres, 14 fulan Novembru tinan 2005
Primeiru-Ministru, Marí Alkatiri, iha tersa-feira ne'e,
loron 15, fulan Novembru, iha tuku 8.30, presidi lansamentu fatuk
ba dala uluk atu hadia fali Hospital Nasional Guido Valadares,
iha Bidau, Díli.
Rehabilitasauasn Hospital ne'e nu'udar obra ida ne'ebé
hasai osan hosi Fundu Fidusiáriu Timor-Leste nian (verbas
hosi Uniaun Europeia) no hosi Orsamentu Estadu nian. Hamutuk tokon
6,9 dolares amerikanu no prazu atu remata nian to'o fulan 24.
Hein katak sei hadia fali kompleksu hospital nian tomak, tuir
ejijênsia nível internasional nian, no sei harí
mos uma foun lubuk ida hospital nian.
Rekonstrusaun Hospital Nasional Guido Valadares hosi Ministériu
Saíde ne'e, tama iha polítika Governu nian ne'ebé
defini tiha ona iha tinan 2002, konaba atu hadi'a uma hirak hospital
nian iha Timor-Leste, ne'ebé sei hetan iha molok remata
tinan 2007 hospital referensia nen iha país nia laran tomak
(Oe-Kusse, Maliana, Maubisse, Suai, Baucau no Díli), no
iha kapital maka nu'udar hospital refrensia nasional. Obra sira
iha Oe-Cusse, Maliana no Maubisse sei hasai osan hosi parseiru
desenvolvimentu Timor-Leste nian no orsamentu Estadu nian, maibé
Suai no Baucau sei hasai deit hosi Orsamentu Estadu nian.
Oras ne'e daudaun médiku besik nain 50 maka hala'o hela
knar iha uma Hospital Nasional Guido Valadares, ne'ebé
ho kapasidade ba kama hamutuk 250. Ida ne'e nu'udar obra boot
ba dala uluk hala'o konaba atu hadi'a fail hospital ne'ebé
harí iha tinan 80 iha sekulu liu ba.
|
