|
Comissaun Notáveis hahu rona eis-militar sira, 11
fulan Maiu tinan 2006
Komisaun Notáveis nian hahú atu rona iha loron
hirak tuir mai eis-militares grupu petisionáriu sira. Eis-militares
sira ne'ebé komisau atu rona ba dala uluk mak grupu ida
hamutuk ema nain 51 ne'ebé iha Maliana.
Maske nune'e, hala'o daudaun kontaktu ho eis-militares sira seluk
ne'ebé hela iha distritus Aileu, Oecusse no Ermera. Governu
fiar katak, iha tempu badak nia laran, komisaun ne'ebé
kompstu hosi representane órgaun soberania haat, Igreja
Katólika no Sosiedade Sivil sei rona eis-militares sira
nia ejijénsia iha instituisaun F-FDTL nia laran atu nune'e
bele hetan lia loos.
Nune'e mos, hala'o kontaktu ho ulun boot ba elementu nain 20
hosi F-FDTL no PNTL ne'ebé mak hasés-an hodi ba
hamutuk ho petisionáriu sira. Primeiru-Ministru, Marí
Alkatiri, fiar katak iha tempu badak nia laran, ema sira ne'e
bele fila hikas ba sira nia unidade. To'o oras ne'e, Governu seidauk
hanoin atu uza forsa hodi obriga ema sira ne'e atu fila hikas
fali ba sira nia unidade..
Iha fatin seluk, ministru ba Traballu no Reinsersaun Komunitária,
Arsénio Bano, entrega tiha ona oriseik aihan tonelada lima
ba deslokadu sira ne'ebé hela iha distritu Aileu, hodi
hala'o mos kontaktu ho grupu petisionáriu sira hamutuk
quaze ema nain 350 hodi diskuti oinsá bele fo apoiu umanitáriu
no pagamentu hanesan subsídiu ne'ebé Governu hakarak
fo ba eis-militares sira, hanesan dalan ida atu tama fali ba moris
sivil nian.
|
